Back Volvo Ocean Race Catalan Volvo Ocean Race Danish The Ocean Race German The Ocean Race English The Ocean Race Spanish Volvo Ocean Race Basque The Ocean Race Finnish The Ocean Race French The Ocean Race Galician वोल्वो ओशियन रेस Hindi
The Ocean Race (áður Volvo Ocean Race, og þar áður Whitbread Round the World Race) er alþjóðleg siglingakeppni umhverfis jörðina sem yfirleitt er haldin á þriggja ára fresti. Árið 2001 var hún nefnd eftir þáverandi aðalstyrktaraðila keppninnar, Volvo, en 2019 var nafninu breytt í The Ocean Race.
Keppnin hefst í einhverri höfn í Evrópu að hausti og fer í gegnum 9-10 leggi auk styttri keppna í höfnum áfangastaða. Síðasta keppni hófst í Alicante 19. október 2014. Samanlögð siglingaleiðin var 38.739 sjómílur en keppninni lauk 27. júní 2015.
Keppnin var fyrst ræst 8. september 1973. Upphaflega var keppnin blönduð með ýmsum bátsgerðum, en frá 1997 var þátttaka bundin við báta af sérsniðna flokknum Whitbread 60 og frá 2005 Volvo Open 70. Fyrir keppnina 2008 voru aðeins gerðar minniháttar breytingar á hönnunarreglum. Fyrir keppnina 2014 var svo kynnt ný gerð, Volvo Ocean 65, og að allir myndu keppa á eins bát, en áður sá hvert lið um smíði bátsins samkvæmt hönnunarstaðli. Hugmyndin var að draga úr kostnaði við þátttöku í keppninni og auka öryggi.